හරි මුලින්ම භෞතික විද්‍යාව ඉගෙන ගන්න ඉස්සෙල්ලා භෞතික විද්‍යාව කියන්නේ මොකද්ද කියලා දැන ගන්න ඕනෙනේ.ඇත්තටම භෞතික විද්‍යාව කියලා නිර්වචනය කරන්නේ මොකද්ද?(see Wiki)
සරලවම කිව්වොත් භෞතික විද්‍යාව කියන්නේ සාමාන්‍ය භෞතික සංසිද්දීන් පිලිබද අධ්‍යනය කිරීමක්.ඒ කිව්වේ කාල අවකාශය තුල පදාර්ථයන්ගේ චලිතයන්,ශක්තිය සහ පදාර්ථය අතර ප්‍රතික්‍රියා වෙන ආකාරය.,ආලෝකයේ හැසිරීම වැනි දේවල් පිලිබද ගැඹුරින් නිරීෂනය කිරීමක්.ඇත්තටම ඒකෙන් කෙරෙන්නේ ස්භාවික සංසිද්දීන් පිලිබද පිලිබද විශ්ලේෂනයක්.විද්‍යාඥයින් පරිසරයේ මූලික න්‍යායන් තෙරුම් ගන්නේ භෞතික විද්‍යාවෙන් තමයි. මේ භෞතික විද්‍යාව සහ රසායනික විද්‍යාව මූලිකවම ගැඹුරින් සම්බන්දයි.අධ්‍යනය කිරීමේ පහසුවටයි ඔය දෙක අපි වෙන වෙනම අධ්‍යනය කරන්නේ.
දැන් හිතන්න ඔයා ගලක් උඩට විසි කරා කියලා.ඔයා දන්නවා ඒක අනිවාර්යෙන්ම බිමට වැටෙනවා කියලා.භෞතික විද්‍යාවෙන් කරන්නේ ඔන්න ඔය සංසිද්ධිය ගණිතමය සූත්‍ර සහ භෞතික විද්‍යාත්මක සංකල්ප ඇසුරෙන් සියුම්ව තේරුම් ගැනීමයි.
දැන් ඉතින් හිතන්න එපා මේක ගොඩක් අමාරු දෙයක් කියලා.ඔයාලට තියෙන්නේ මුල ඉදලා මේ විෂය ගැන හරියට අධ්‍යනය කරන්න.භෞතික විද්‍යාවේ ගොඩක් පාඩම් කරන්න නෑනේ.තියෙන්නේ ඉතාම ටිකයි.ප්‍රධානම දේ තමයි අවබෝධය. භෞතික විද්‍යාව කියන්නේ ගොඩක් interesting විෂයක්.කොහොමද ඔයාලගේ hand phone එක වැඩ කරන්නේ?,අදුරු පදාර්ථයන් කියන්නේ මොනවද?,සූර්යා බබලන්නේ කොහොමද?පෘතුවිය භ්‍රමනය වෙන්නේ කොහොමද?
මේ වගේ ප්‍රශ්න ඔයාලගේ මනසට එනවනම් ඔයාලට ඇත්තටම භෞතික විද්‍යාව ගැන ආශාවක් තියෙනවා.මම නම් හිතන්නේ භෞතික විද්‍යාවට A සමාර්ථයක් අරන් හුදෙක් විභාගය pass වීම නෙමෙයි විය යුත්තේ.තව කොච්චර දේවල් තියෙනවාද මේ විශ්වයේ අපිට ගවේශනය කරන්න?
ආ පොඩ්ඩක් දුර ගියා වැඩියි වගේ. එහෙනම් මේක අපි Physics මුල ඉදලම ඉගෙන ගමු.
ඔයාලට ප්‍රශ්න තියෙනවනම් ඕන දෙයක් අහන්න.මෙතනින් කරන්නේ දැනුම බෙදා ගන්න එකනේ.ඔයාලගේ ප්‍රතිචාරය ගොඩක් වැදගත්.
1 Responses So Far:
ඇත්ත නැත්ත
http://aththanaththa.blogspot.com/2011/02/blog-post_23.html